المتابعون

الاثنين، 16 يوليو 2012

قناة الأخبار./،


اشتقتلها سمة بدني
حطلي ع قناة الاخبار
اتحفني واطربني
باللي صار
طمني عالقدس العربي
لسى صامد ولا انهار

كم صخرة لسى ما انهدت
بلكي اخر صخرة هدوها
وفرحت بالسبق الصحفي
قناة الأخبار
سمعني اخبارها بغداد
بعدهم خمسين طايفه
ولا عددهم زاد
قلبوا تمثالك صدام
وقالوا شلنا راس الاوغاد
وما شفنا بعدك فرحه
في ديار وضواحي بغداد
عمو بوش شكك بوجود النووي
هو وشلة حقوق الانسان
قلبوا الدنيا تا يلاقو شقفة نووي
خافو يتشمت فيهم عقال السعدان
ساقوا علينا الشرف
وقالوا مظلومين بدنا عدالة
طلعوا خنزير ميت من سطل زبالة
سألوا الخنزير مين قتلك قال صدام
سبحانك ربي نطق الخنزير وهو ميت
وفكرناه خنزير واحد
طلعوا سلالة
حطو صدام في محكمة قصر العدالة
والنفط راح أمريكا والخليج أعلن حالة افلاس
والنووي تصدر من أمريكا لإيران
وقالوا النووي في بلاد فارس بأمان
وجابوا شيعي يذبح صدام
بصبح الاضحى
واحنا بنذبح خرفان
قلنا يمكن نفهم ونصحى
نعرف مين ال ضحى ومين ال خان
لكن حاشا وكلا
مخ العربي لازم ينهان
حطلي ع قناة الاخبار
تقلب راسي وتعطيني أمل بإيران
وايش سوت ايران؟
زرعت حوثي بصنعا
وحسيني بدرعا
وحماس بغزة وحزب الله بلبنان
وبرضو مخ العربي رافض يفهم
ولازم ينهان
حطلي ع قناة الاخبار تفهمني غلط
اصلي لو عرفت الصح
حيقولوا عنه عبط
ايوه عبط
عقولنا انغسلت وصارت غلط بغلط
يا قناة الأخبار احنا حروف عميا
حطيلنا انتي النقط
خلي الدولار يشتريلنا خبر
وان سألناكي عالصراحه
احكي الله جبر
ولا تكسفينا لما ينتصر اللوبي
اضحكي علينا واحكي الشعب انتصر
مين قال لما العربي يعيش ستين سنه مذلول
يعرف الحين ايش يعني نصر؟؟

بقلم الشاعر : محمد السيد أبو جامع

ليست هناك تعليقات:

إرسال تعليق